ا دوسه های کجا لیوه بیمه سیت
داغ دیریت سوختمه خشال یکی دیت
د چشیام عزیزتری بیشتر د جونم
ار بهام ترکت بکم لال با زبونم
کُلّ دُنیان وِم بئی قَدّ هزارئ
نمئم دِه لُرسّو یِه بَلگِ دارئ
بارونه نم نم بوار برفی نیره پا
دوسکم ها د سفر او سر دنیا.
ار هزار حور و پری بیا و چنگم
دین و دنیام هه تونی تو های و تنگم
بار الها برسون او نازنینم
واش بوام واش بخنم واش بنشینم
تو چی گل خوشگل و قنجی گلاره
تو لیمویی تو نارنجی گلاره
ایقه د هول خنج و خال خوت نو
تو خوت چی خال سر زنجی گلاره
گردکون لف لفیم ده یه درختیم
بار الاها نکه که ده یک بفتیم
قد بلین، تیه قشنگ، میا حنایی
کر خو پیرم کردی که میا بیایی
داغ دیریت سوختمه مه سیت مریضم
جا پایات مین تیام دوس عزیزم
نظرات شما عزیزان:
تبادل
لینک هوشمند